Uşaqlar üçün
Uşaq:
Şəhid kimdir, anacan,
Niyə şəhid olurlar?
Söylə, bu adı kimlər,
Necə, nə cür alırlar?
Ana:
Torpağı üçün candan
Keçənlərdi şəhidlər.
Vətən üçün andını
İçənlərdi şəhidlər.
Şəhidlər qönçəsi gül
Olmayana deyilir.
Düşməndən qorxub rəngi
Solmayana deyilir.
Uşaq:
Bəs, müharibə nədir,
Kimlər döyüşür orda?
Bu haqda danışırlar,
Tez-tez televizorda.
Ana:
Müharibə xalqların
Qəhrəmanlıq yoludur.
Düşməni yurddan qovan
Cəngavərin qoludur.
Yurdunu çox sevənlər
Onu dar gündə atmaz.
Şəhidi olan xalqı
Müharibə qorxutmaz.
