Gülçöhrə tez qaçaraq
Əlində kiçik budaq
Evə girdi sevincək,
Gülüşü açdı çiçək.
Budaqda vardı xeyli
Meyvə iri, şirəli.
Dedi:-Ata, bura bax,
Cənnət imiş bizim bağ.
Mən budağı qırmışam,
Sənə pay gətirmişəm.
Gör nə qədər gilas var,
Yesən, necə xoş olar!
Ata görcək bu halı,
Tam dəyişdi əhvalı.
Dedi:-Ay gözəl qızım,
Yadında qalsın sözüm.
Ağac canlıdır axı,
Qırmaq ilə budağı
Əzab vermisən ona,
Ağrısı yetməz sona.
Bizə dostdur ağacllar ,
Onların çox xeyri var,-
Bol-bol verirlər meyvə,
Hələ bundan əlavə
Təmizləyirlər hava,
İşmi görürlər yava?
Yayın isti vaxtında
Dincəlirik altında.
Bir də belə şey etmə,
Ağacları incitmə.
